I weiss es härzigs Dörfli Am Rand vom Wasseramt Drinn wohnt es buschigs Völkli S’isch wyt ume bekannt.	Viel göh ou i’d Fabrigge I’d Dörfer und i’d Stedt Wei hoffe, dass e jede E rächte Zapfe het.
Drinn hets e Huufe Buure Die schaffe früeh bis spot Düent öppe mängisch chlage, Dass nid so Gäld i’gooht.	Die Chline göh i’d Schuele Und lehre allerlei, Dass si de einisch chönne Regiere ganz elei.
Zwöi Uhreatelier stöh do Grad z’mitts i üsem Dorf Drinn gits e huufe Uhre Wo grüsli gärn tüe stoh.	Das isch my liebi Heimat Mys Dörfli Recherswil Tät Eine das verachte S’wär mit em nid grad viel.